Menevşa Türküsü
– Menevşa, mari, Menevşa,
Ne gözäl da boyun var!
– Benim boyum pek gözäl,
Dut fidanına pek benzär.
Dut fidanı ne takım,
Benim boyum o takım.
– Menevşa, mari, Menevşa,
Ne da gözäl yüzün var!
– Benim yüzüm pek gözäl,
Taazä piinirä pek benzär,
Taazä piinir ne takım,
Benim yüzüm o takım.
– Menevşa, mari, Menevşa,
Ne gözäl gözlerin var!
Benim gözlerim pek gözäl,
Çalıda güvemä pek benzär.
Çalıda güvem ne takım,
Benim gözlerim o takım.
– Menevşa, mari, Menevşa,
Ne gözäl kaşların var!
Benim kaşlarım pek gözäl,
Saz gaytanına pek benzär.
Saz gaytanı ne takım,
Benim kaşlarım o takım
(Malaçlı S. 2001).
file:///C:/Users/USER/Downloads/316-Qaqauz_(Qaqavuz)_Yerinde_Qadin_(Irina_Iusiumbeli)_(Ankara-2008).pdf
